Komisioni Qendror i Zgjedhjeve i ka dërguar një shkresë Prokurorisë së Përgjithshme ditën e sotme, ku ka kërkuar verifikim të thelluar për kandidatin e “Shtëpisë së Lirisë” në Lushnjë, Elton Bano, për të cilin Partia Demokratike e drejtuar nga Lulëyim Basha pretendon se ka një dënim për vjedhje në Angli.
“Sipas informacioneve të verifikuara në rrugë konfidenciale nga Partia Demokratike, rezulton se shtetasi Elton Ilir Bano, i datëlindjes 24.07.1978 ka qenë i proceduar dhe i dënuar në Britaninë e Madhe për kryerjen e veprës penale të vjedhjes, në periudhën 1998-2000” – thuhet në kërkesën e PD drejtuar KQZ-së.
PD thotë se kandidati Bano ka fshehur dënimin që daton në periudhën 1999-2000 dhe kërkon që ai të përjashtohet nga kandidimi.
Kjo sipas PD, është periudha kur Bano ka vetëdeklaruar qëndrimin në Angli, por ka ndryshuar vendlindjen, nga Lushnjë e ka bërë Prishtinë.
/5pyetjet.al
