Solidariteti me ukrainasit në këto ditë të vështira për ta është i jashtëzakonshëm, thuajse nga e gjithë bota. Një video është bërë virale së fundmi në internet, teksa nëna takohet me një grua të panjohur, e cila i ndihmoi fëmijët e saj të kalonin kufirin po emocionon të gjithë rrjetin.
Nataliya Ableyeva e cila ishte nisur për një udhëtim të gjatë drejt Hungarisë, takoi rastësisht një burrë. Me mirëbesim dhe frikën se duhet t’i largonte nga vendi, ai i dha gruas 2 fëmijët e tij të vegjël për t’i ndihmuar të kalojnë kufirin.
Fatkeqësisht ai nuk mund të lëvizte, kjo për shkak të rregullit se asnjë burrë nga 18-60 vjeç nuk mund të largohej nga Ukraina.
Ai i sqaroi se gruaja e tij ishte nisur për në Itali dhe se do të priste të vegjlit e saj në Hungari.
Momenti i bukur i ritakimit ishte tepër emocionues…gruaja ngre në krah dhe shijon sërish erën e gushës së fëmijëve të saj.
Me lot në sy, ajo falënderon edhe gruan që e ndihmoi familjen e saj në këtë moment tepër të vështirë. Pamjet janë drithëruese.