Sali Berisha vijoi nga Dibra fushatën për zgjedhjet e pjesshme lokale të 6 marsit. Veç mbështetjes që kërkoi për kandidatët e koalicionit “Shtëpia e Lirisë”, ish-kryeministri i vendit lëshoi edhe një kërcënim ndaj të gjithë atyre që do të tentojnë të blejnë vota në këto zgjedhje.
“Do t’i mbaj mend ata që dhunojnë me para dhe mallra votën, do të mbahet qëndrimi më i ashpër. Mos u bëni ushtarë të Lulzim Bravës, ndiqni bizneset tuaja, kjo është detyra juaj. Shqiptarët të bëjnë gjithçka në këto 3 ditë që kanë mbetur, të kontaktojnë çdo familjar dhe të afërm, të votojnë për kandidatët e “Shtëpisë së Lirisë”, të votojnë për ndryshimin.
Rroftë Dibra, rroftë Shqipëria!”, u shpreh Berisha.
