Gati dy muaj pas protestës së dhunshme të organizuar nga Sali Berisha në selinë e PD-së në datë 8 janar të këtij viti, prokuroria ia ka kthyer dosjen policisë së shtetit për ta plotësuar.
Në dokumentet që organi i akuzës i ka dërguar policisë kërkohet identifikimi i saktë i autorëve përmes kamerave të sigurisë, pasi një pjesë prej atyre që u arrestuan nuk kishin lidhje me dhunën.
Nga tubimi i 8 janarit, që u synua marrja e selisë së PD-së, policia ndërhyri pas thirrjes për ndihmë nga kupola drejtuese e së djathtës shqiptare që drejtohet nga Lulzim Basha.
Bilanci ishte me të plagosur dhe arrestuar, por të gjithë u liruan nga qelia për t’u hetuar në gjendje të lirë.
/5pyetjet.al
