Të paktën 15 herë është qëlluar mbrëmjen e së shtunës në Vlorë ndaj 30-vjeçarit Romeo Meçaj, i cili mbeti i plagosur me armë zjarri.
Ndërkohë, bëhet e ditur se pas ngjarjes, policia ka shoqëruar në komisariat 17 persona. Ata janë shoqëruar si dëshmitarë pasi kanë qenë të ulur në një lokal pranë vendit ku ndodhi ngjarja.
Nga të dhënat e deritanishme të policisë, në këtë atentat dyshohet të kenë marrë pjesë më shumë se dy persona. Ata kanë qenë të fshehur në afërsi të pallatit të sportit, kur ka ardhur makina. Autorët që prisnin 33-vjeçarin, kishin dijeni për lëvizjet e tij. Nga ana tjetër, policia ka sekuestruar kamerat e sigurisë në një biznes lokal.
Pas ngjarjes, policia ka gjetur një automjet të djegur në zonën e ‘Ujit të Ftohtë’, që dyshohet se i përkiste autorëve.
