Partia Demokratike ndodhet përballë një tjetër moment të vështirë pas humbjes së zgjedhjeve lokale të 6 marsit. Prej orës 16:30 Lulzim Basha ka mbledhur grupin, teksa një pjesë e deputetëve kanë dalë hapur kundër tij.
N/kryetari Agron Gjekmarkaj kërkoi përgjegjësi politike. “Është një ditë e tmerrshme” tha Ervin Salianji. “Ka shumë gjëra që duhen thënë” tha Dashnor Sula. “Jemi në mbledhje të rëndësishme grupi” tha Kreshnik Çollaku.
“Mos më pengoni rrugën” u kërkoi Enkelejd Alibeaj gazetarëve që i kishin zënë “pritë”. Më e fortë ishte Grida Duma në deklaratën e saj. N/ kryetarja e PD-së kërkoi që Lulzim Basha të marrë përgjegjësi politike.
“Ne mbledhjen do ta zhvillojmë, padyshim është dëshpërues rezultati. I papritur. Duhet marrë përgjegjësi dhe vendime politike që nga kreu i partisë” tha ajo.
/5pyetjet.al
