Një zjarr ka rënë këtë të hënë në zonën periferike të Elbasan, pranë lumit Shkumbin, jashtë territorit të ish-Kombinatit Metalurgjik.
Sipas të dhënave të para, flakët dyshohet të jenë shkaktuar nga djegia e gomave në hapësirë të hapur, çka ka sjellë përhapje të tymit të dendur dhe shqetësim për banorët e zonës.
Forcat zjarrëfikëse kanë ndërhyrë menjëherë për të vënë nën kontroll situatën dhe për të shuar flakët, ndërsa raportohet se rreziku është minimizuar.
Paralelisht, Policia e Shtetit ka nisur verifikimet për të identifikuar përgjegjësit dhe për të sqaruar plotësisht shkaqet e zjarrit.
Qytetarëve u është kërkuar të shmangin lëvizjet në zonë deri në normalizimin e situatës.
