Nënkryetari i Partisë Demokratike Agron Gjekmarkaj e konsideron si tronditëse humbjen në zgjedhjet e së dielës dhe sipas tij ky rezultat tejkalon çdo parashikim ogurzi.
Lulzim Basha gjeti disa alibi, por ai thotë se cdo justifikim është i papranueshëm dhe për këtë arsye kërkon mbledhjen e organeve drejtuese duke shtuar se është gati të marrë përgjegjësinë që i takon, që nënkupton dorëheqjen nga posti.
“Në zgjedhjet e pjesshme të 6 Marsit, Partia Demokratike pësoi një humbje tronditëse duke tejkaluar çdo parashikim ogurzi. Përtej çdo rrethane kunder nesh, sado të dukshme e turpëruese, ne nuk mund të akuzojmë askend pos vetes. Çdo justifikim është i papranueshem!
PD duhet të mbledhe sonte me urgjence organet e saj dhe të nxjerre përgjegjësitë që çuan në këtë katastrofë elektorale. Unë, prej dy muajsh jam njëri prej katër Nënkryetarve të PD-së dhe jam i gatshëm të mbaj pergjegjësinë time.
Nuk do t’i shmangem asaj per asnjë arsye apo interes që bie në kundershtim me vullnetin e shoqerisë dhe parimet e mia etike” shkruan Gjekmarkaj.
/5pyetjet.al
