Delegacionet e Ukrainës dhe Rusisë pritet të takohen sot për një raund të ri bisedimesh, me synim ndaljen e luftës në Ukrainë.
Palët janë takuar edhe dy herë të tjera, që kur Rusia ka nisur pushtimin e Ukrainës më 24 shkurt, por pa ndonjë rezultat konkret.
“Raundi i tretë i bisedimeve do të zhvillohet të hënën”, ka thënë dy ditë më parë negociatori ukrainas, David Arakhamia.
Dy raundet e para të bisedimeve janë mbajtur në Bjellorusi. Më shumë detaje për raundin e sotëm nuk ka ende.
