Në Lushnje, qytetarët kanë votëbesuar në shumicë dërrmuese kandidaten socialiste Eriselda Sefa përballë dy opozitarëve të djathtë, Elton Bano dhe Indrit Sefa.
Në përfundim të procesit të numërimit, drejtuesi politik i PS-së Taulant Balla u shpreh se fituesi do të nisë direkt zbatimin e angazhimeve që mori.
“Punët do të fillojnë menjëherë. Të gjithë angazhimet që kemi marrë, do i qëndrojmë fjalës së dhënë dhe ju do të jeni dëshmitarët.
I uroj Eriseldës suksese në këtë votëbesim. Këtu do të jemi edhe pas një viti, na duhet më shumë punë për të thelluar fitoren në vitin e ardhshëm.
Pjesëmarrja ka qenë ulët në të gjashta bashkitë, ne prisnim pak më shumë, por dje ishte një ditë kushtesh atmosferike, edhe pse bujqësinë shiu është bereqet.
Pa Lushnjen një pjesë e madhe e prodhimit të bujqësisë nuk do të kishte kuptim. Ne do të vazhdojmë të fokusohemi te investimet në bujqësi” tha ai.
E emocionuar, Eriselda Sefa tha se dera e bashkisë do të jetë e hapur edhe për ata që nuk e votuan. “Falenderoj qytetarët për besimin. Idetë dhe premtimet do të vihen në zbatim, por edhe ata që nuk më votuan do të gjejnë derën e bashkisë hapur” tha ajo.
/5pyetjet.al
