Deputeti i Partisë Demokratike, Ervin Salianji akuzoi qeverinë per rritjen e çmimeve në vend.
Ai tha se qeveria ka krijuar situatë oligopol në tregun e karburanteve duke e bërë atë përgjegjëse për rritjen e çmimeve ditët e fundit.
“Sot qytetarët shqiptarë kanë shqetësimin kryesor rritjen e çmimit të naftës që po reflekton në rritjen e të gjitha çmimeve të tjera të shportës dhe që po e pamundësojnë jetën. Shikojeni se si është krijuar një treg monopol ose oligopol nga Qeveria që çmimet të rriten sapo dëgjohet që në bursa do të ketë një rritje, sapo dëgjohet që do të ketë një luftë nëpër botë, ndërkohë që nuk ulen kurrë kur ka ulje të çmimit të naftës në bursë”, u shpreh Salianji.
Kujtojmë se deputeti i PD, e ka cilësuar rezultatin e zgjedhjeve të 6 Marsit ishte katastrofik për Partinë Demokratike.
