Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës, informon se nga 1021 testime, 47 qytetarë kanë rezultuar pozitiv me COVID-19.
Gjatë 24 orëve të fundit është shënuar 1 viktimë.
Sot janë shëruar 61 qytetarë, ndërsa numri i përgjithshëm i të shëruarve është 222.892.
Në total numri i rasteve aktive është 797.
MSH njofton se në 24 orët e fundit janë dhënë 356 doza të vaksinës kundër COVID-19. Prej fillimit të vaksinimit në të gjitha qytetet e Kosovës janë dhënë 1.817.199 doza të vaksinës.
Deri më sot 818.072 qytetarë janë vaksinuar me dozën e dytë.
