Monika Kryemadhi, kryetarja e Lëvizjes Socialiste për Integrim, me anë të një statusi në Facebook, ka reaguar për protestat e ditëve të fundit për rritjen e çmimeve.
Këtë të premte, Rama u shpreh se protestat janë të nxitura politikisht, por kryemadhi reagoi duke thënë se protestat janë dukshme qytetare dhe se mbushjen e shesheve kryeministri mund ta gjejë duke parë veten në pasqyrë.
“Ai momenti kur qeverisë dhe kunat-opozitës ja shkruan statuset e njëjta dorë. E dukshme rënia e kreativitetit prej këshilltarëve të huaj, që siç këshillojnë Vuçiç, këshillojnë edhe çiftin Rama-Basha si të manipulojnë deri në mpirje opinionin publik shqiptar. Protestat që po zhvillohen janë dukshëm qytetare, jo partiake dhe përgjegjësinë për mbushjen e shesheve kryeministri mund ta gjejë duke parë veten në pasqyrë.”, shkruan Kryetarja e LSI.
