Policia e Kosovës ka njoftuar se janë arrestuar personat e kërkuar pas konfiskimit të 90 kilogramëve marihuanë.
Të arrestuar janë M.Q dhe A.SH. Tek ky i fundit janë gjetur sërish substanca narkotike.
“Hetimet lidhur me këtë rast kanë qenë duke vazhduar për afro një muaj. Dje më, 11.03.2022, hetuesit policorë nga Drejtorisë për Hetim e Trafikimit me Narkotikë-Prizren, kanë realizuar një operacion policor ku janë kontrolluar dy vende. Policia ka arritur të lokalizojë dhe të arrestojë të dyshuarit: M.Q., (viti i lindjes 1976, mashkull kosovar) dhe A.Sh., (viti i lindjes 1978, mashkull kosovar). Tek i dyshuari A.Sh., policia dje gjeti edhe rreth 395 gr substancë narkotike që dyshohet të jetë marihuanë dhe dëshmi tjera relevante për rastin”, thuhet në komunikatë.
