Kryeministri Albin Kurti nga Antalia e Turqisë ku po merr pjesë në Forumin për Diplomaci ka folur për luftën që po zhvillohet në Ukrainë.
Kurti theksoi se kundërshton pushtimin rus të Ukrainës.
“Ne jemi kundër okupimit. Ne mbështesim plotësisht luftën nacionalçlirimtare të Ukrainës”, tha ai.
Kujtojmë se Rusia ka nisur pushtimin e paprovokuar të Ukrainës më 24 shkurt. Presidenti rus, Vladimir Putin, e ka cilësuar si “operacion special”.
Perëndimi e ka dënuar ashpër pushtimin dhe ka vendosur një varg sanksionesh të rënda kundër Rusisë.
