Më pankarta në duar dhe thirrjet poshtë qeveria, qytetarët u dyndën përpara Kryeministrisë për t’i kërkuar Edi Ramës që të tërhiqet ose të largohet nga pushteti.
“Nuk e kemi luftën me dyert dhe karriget”, por për “dinjitetin tonë” tha një qytetar që hapi protestën. Ai tha më tej se 140 të rinj janë arrestuar, ndërsa protestuesit nuk kanë thyer asnjë xham.
“Nuk ka forcë që mund të ndalë qytetarët. Në katër ditë proteste, asnjë xham nuk është thyer, asnjë polic nuk është prekur, asnjë qytetar nuk është shqetësuar nga protesta. 140 të rinj janë shoqëruar. Kryeministri i vendos hekurat derës.
Duhet ta dijë se luftën nuk e kemi as me dyert, as me karriget, por për dinjitetin tonë, për shtëpinë tonë. Në katër ditë çmimet e naftës i patë të bien si asnjëherë më parë. Në katër ditë ju jeni bërë shpresa më e fuqishme e këtij vendi” tha ai.
