Me qindra serbë kanë zhvilluar një tjetër tubim këtë të diel në mbështetje të agresionit rus në Ukrainë. Ata kanë valëvitur flamujt e Rusisë, Serbisë, të republikave të vetëshpallura të Luganskut dhe Donjeckut si dhe Rusisë cariste.
Shumë prej tyre, siç raporton nova.rs, kanë të vizatuar shkronjën “Z” në makinat e tyre, ashtu si edhe forcat ruse në Ukrainë.
Prania e policisë nuk është e dukshme dhe siç mësohet jozyrtarisht, plani është që kolona e automjeteve nga Beogradi i Ri të shkojë në Zemun, pastaj në presidencë në Kralja Milana, të bëjë një rreth në Slavija dhe më pas të kthehet te Beogradi i ri, shkruan Telegrafi.
