Partia Demokratike është futur në një krizë të thellë, pasi i gjithë grupi kërkon largimin e Lulzim Bashës pas humbjes së 6 marsit.
Grupi kërkon gjithashtu edhe largimin e Sali Berishës nga “Foltorja” për të bashkuar partinë, gjë që kundërshtohet nga ish-kryeministri.
Deputeti demokrat Dashnor Sula u shpreh në “ABC” se po negociohej mes dy palëve për të bashkuar partinë. Ai tha se janë tre deputetë që po negociojnë.
Negociatorët mes grupit të Bashës dhe atij të Berishës janë deputetët Flamur Hoxha, Alfred Rushaj si edhe ai vetë. Sula tha se kishte eksperiencë në negociata të vështira duke rikujtuar zgjedhjen e presidentit në vitin 2007.
