Dy pularitë në Durrës Reas dhe Ovital janë karantinuar ditën e sotme si shkak i ngordhjes së papritur të 200 mijë pulave, të cilat dyshohen të sëmura me laringo-trakeitit.
Deri në daljen e rezultateve laboratorike, kompanitë Reas dhe Ovital janë karantinuar, ndërsa Ministria e Bujqësisë thotë se sëmundja nuk transmetohet nga shpendët te njerëzit.
KAPLLAN SULAJ
DEKAN, FAKULTETI I BIOTEKNOLOGJISE DHE USHQIMIT
“Për të parandaluar infeksionin sot përdoren edhe mjete të tjera siç janë vaksinimet. Kemi një vaksinë që përdoret edhe për këtë virus. Kjo vaksinë nuk është aplikuar sepse kërkohen disa seanca aplikimi. Duhen disa vaksina në seri dhe duhen gjetur vaksinat sipas shtameve qarkullues. Sot ka vaksina për këtë virus që janë mjaft efektive. Mungesa e vaksinimit bën që shpendët të infektohen. Nëse ato vaksinohen, imuniteti që arrihet, është i lartë.”
