Ish-deputeti Ilir Deda ka komentuar mbi situatën politike në Kosovë pas dështimit të marrëveshjes mes Lëvizjes Vetëvendosje (VV) dhe Lidhjes Demokratike të Kosovës (LDK).
Ai ka vënë në pikëpyetje procesin e konsultimeve për zgjedhjen e presidentit dhe ka kritikuar qëndrimet e Kryeministrit Albin Kurti në lidhje me bisedimet për një qeverisje të përbashkët.
“A patëm konsultime për zgjedhjen e presidentit apo për koalicion qeverisës? Bisedat për qeverisje të përbashkët VV-LDK mund të bëheshin në janar e shkurt. Atëherë mund të mbaheshin edhe bisedat për president/e dhe të përfundonte kjo temë.”
Ai gjithashtu ka kritikuar qëndrimin politik të Kurtit, duke e akuzuar për dëshirën e kontrollit absolut të pushtetit dhe për krijimin e krizave të qëllimshme që pengojnë një qeverisje të suksesshme.
