Presidentja e Kosovës, Vjosa Osmani, është takuar me komandantin e KFOR-it, Gjeneral Major Ferenc Kajari, me të cilin ka biseduar për agresionin ushtarak të Rusisë ndaj Ukrainës dhe sigurinë në vend.
“Presidentja e Republikës së Kosovës, Vjosa Osmani Sadriu ka pritur në takim komandantin e KFOR-it Gjeneral Major Ferenc Kajári me të cilin diskutoi çështjen e sigurisë në vend dhe zhvillimet e fundit në kontinentin evropian pas agresionit ushtarak të Federatës Ruse ndaj Ukrainës”, thuhet në njoftimin e Presidencës.
Sipas njoftimit, “ne anën tjetër, komandanti Kajári ritheksoi përkushtimin e trupave të KFOR-it në mbështetjen e një mjedisi të sigurt dhe paqësor në të gjithë vendin”.