Ora shënon 15:15 minuta. Në sheshin përpara Kryeministrisë ka mbetur një numër shumë i vogël protestuesish.
Paradite njëri prej grupit që udhëheq protestat u shpreh se vendosën që të qëndrojnë 24 orë në tubim, deri në reflektimin e qeverisë për uljen e çmimeve dhe mbrojtjen e shtresave në nevojë.
Por pak orë më pas protestuesit filluan që të largohen një e nga një dhe në shesh, shumicën e bëjnë gazetarët me operatorët dhe policët, pasi qytetarët që kanë mbetur janë vetëm një “grusht”.
Ata kanë paralajmëruar se do të mblidhen sërish nëse nuk ka reflektim nga Edi Rama, që duket i vendosur në injorimin e tyre.
