Kryetari i AKR-së, ish-zëvendëskryeministri Behgjet Pacolli u është drejtuar përmes një letre publike, ministres së Ekonomisë, Artane Rizvanolli dhe ministrit të Mjedisit, Liburin Aliu.
Pacolli përmes kësaj letre ka shkruar se se çdo gjë ka ngecur në rrafshin ekonomik, dhe se po bëhet shkatërrimi i pamëshirshëm i ambientit dhe natyrës.
“Ndonëse nuk i di planet e Qeverisë, por nga ajo që shihet që një vit e tutje, nuk është duke u zhvilluar asnjë projekt në infrastrukturën e sidomos ne ate rrugore, ndërsa mirëmbajtja e rrugëve aktuale edhe nuk ekziston fare”, shkruan kryetari i AKR-së.
Ai ka shtuar se nuk është hedhur asnjë lopatë as për mirëmbajtje e as për riparimin e rrugëve të dëmtuara nga vërshimet e vitit 2021, si dhe sipas tij kanë stagnuar edhe punët që kishin filluar para vitit 2020.
POSTIMI: https://web.facebook.com/behgjeti/posts/506978537457709
