Ish-ministri i Brendshëm, deputeti Flamur Noka debatoi me drejtuesen e seancës, Ermonela Felaj gjatë interpelancës që kishte thirrur ministren Belinda Balluku për t’i kërkuar shpjegime për projektin e “5 Majit”.
Noka kërkoi më shumë kohë, por Felaj ia ndërpreu, pavarësisht kërkesave të përsëritura.
“Zoti Noka koha për interpelancë mbaroi. Ju lutem ka mbaruar koha. E ka vendosur rregullorja dhe jo Ermonela.
3 minutëshi jot mbaroi. Kjo nuk është cështje me të lutur është rregullorja. Liro foltoren.
Zoti Noka ka mbaruar koha e kërcënimeve në Kuvend” tha Felaj duke u detyruar që të ndërpresë seancën, pasi Noka nuk po lironte foltoren.
“Kjo pikë e rendit të ditës mbyllet këtu. 3 minuta pushim” tha ajo.
