Disa vatra zjarri vijojnë që të jenë aktive në vend. Në Gramsh era po favorizon flakët që po përhapen me shpejtësi duke djegur bimësinë në kalanë e Tunjës deri në Janc.
Forcat zjarrfikëse të Gramshit bëjnë apel për ndihmë. “Dy zjarre te fuqishëm që i favorizon era e fort po djegin malin nga kalaja e Tunjës deri në Janc. I gjithë efektivi jone u përlesh me flaket gjatë gjithë ditës së djeshme deri në orë 23.00 të mbrëmjes dhe nuk arritëm ta vinim nën kontroll.
Ju bejmë thirrje qytetareve të Gramshit dhe banoreve të fshatrave përreth, të bashkohen me forcat zjarrfikëse për të fikur këtë përbindësh që po shkrumbon gjithçka që gjen përpara! Kush do të na ndihmoj, të kontaktoj në nr. e tel-0697242124 faleminderit” shkruan zjarrfikësja e Gramshit.
