Kryetari i komanduar i PD-së, Enkelejd Alibeaj nuk e njeh vendimin e gjykatës së Tiranës që legjitimoi Kuvendin e 11 Dhjetorit, që i dha selinë dhe vulën Sali Berishës. Alibeaj akuzoi gjyqtarin, Agron Zhukri dhe deklaroi se do ta kallëzojë penalisht.
“Jam njohur me një vendim. Për njohuritë e mia dhe kujtdo që njeh si zhvillohen gjyqet është një skandal. Për një arsye, gjyqtari vetë ka deklaruar njohjet e veta, anësinë e vet në këtë proces (referuar Sali Berishës).
Pavarësisht kësaj në tejkalim të ligjit ka marrë në shqyrtim cështjen. Plus PD ka marrë vendim për ankimin e cështjes, për regjistrimin e kuvendit të 18 dhjetorit. Është i fundit, që ka zhvilluar PD.
Cështja është në apel bashkë me të gjitha provat. Gjyqtari i sotëm nuk ka pasur dosje. Gjyqtari mori vendim pa pasur, prova, dosje dhe palë. Do të paraqesim kallëzim penal për gjyqtarin” tha ai.
Por a do ta lirojë tashmë zyrën? Alibeaj tha se vendimin e sotëm do ta ankimojë dhe do të zbatojë vendimin e gjykatës së Apelit kur të merret, që do të jetë i formës së prerë.
“Për kuvendin e 18 dhjetorit në kemi paraqitur ankim, të presim gjykatën e apelit. Kur flet gjykata të gjithë të tjerët duhet të heshtin.
Prisni do të bëjmë ankimin, është e drejta jonë, flet gjykata, zgjidh çështjen” deklaroi ai. Në fund ai përsëriti edhe njëherë thirrjen që pas largimit të Lulzim Bashës, të njëjtën gjë të bëjë edhe Sali Berisha.
VENDIMI I GJYKATES
1.Pranimin e kerkeses se pales kerkuese Partia Domokratike e Shqiperise, perfaqesuar nga Komisioni i Përkohshëm i Rithemelimit të P.D.SH.
2.Depozitimin e vendimeve te kuvendit Kombetar te PDSH duke rregjistruar ndryshimet perkatese ne regjistrin e partive politike:
Vendimin nr 1. dt.11.12.2021, me anekset bashkëlidhur Statutin e Partisë Demokratike, të Kuvendit Kombëtar të Partisë
Vendimin nr 2. dt. 11.12.2021 të Kuvendit Kombëtar të Partisë Demokratike
Vendimin nr 3. dt. 11.12.2021 të Kuvendit Kombëtar të Partisë Demokratike
Vendimin nr 4. dt. 11.12.2021 të Kuvendit Kombëtar të Partisë Demokratike
Vendimin nr 5. dt. 11.12.2021 të Kuvendit Kombëtar të Partisë Demokratike
Vendimin nr 6. dt. 11.12.2021 të Kuvendit Kombëtar të Partisë Demokratike
Vendimin nr 7. dt. 11.12.2021 të Kuvendit Kombëtar të Partisë Demokratike
3.Kunder ketij vendimi mund te behet ankim sipas ligjit.
U shpall sot me date 25.03.2022 ora 11.10
