Ora 15:00, datë 25 mars 2022. Sali Berisha merr në dorë selinë e PD-së. Ish-kryeministri pas tentativës së dështuar me dhunë në protestën e 8 janarit, mesditën e sotme me vendimin e gjykatës në dorë është futur në selinë blu, godinën e partisë që themeloi 30 vite më parë. “E jona, s’ka!” tha Berisha në momentin që shkeli brenda selisë së PD-së.
Pak përpara tij në seli u futën një pjesë e grupit të deputetëve që të mbështesin; Flamur Noka, Belind Këlliçi, Albana Vokshi, Edmond Spaho, përfaqësuesi ligjor Ivi Kaso dhe të tjerë për të negociuar me Enkelejd Alibeaj dhe Gazmend Bardhin.
