Detaje të reja janë zbuluar në lidhje me dy shpërthimet e tritolit në qytetin e Shkodrës gjatë mesnatës.
Uniformat blu bëjnë të ditur se rreth orës 2:20 në derën e supermarketit në pronësi të Florenc Markut në rrugën “Bujar Bishanaku” si dhe në derën e një biznesi tjetër privat butik rrobash në pronësi të Xhemal Bushatit në rrugën “28 Nentori”, është vendosur lëndë plasëse.
Njoftimi i plotë:
Shkodër/ Informacion paraprak
Rreth orës 02:20, në derën e supermarketit në pronësi të shtetasit F.M. në rrugën “Bujar Bishanaku” si dhe në derën e një biznesi tjetër privat butik rrobash në pronësi të shtetasit Xh.B. në rrugën “28 Nentori”, është vendosur lëndë plasëse dhe si pasojë e shpërthimit të tyre kanë shkaktuar vetëm dëme materiale.
Grupi hetimor nën drejtimin e Prokurorisë vijon veprimet duke administruar çdo provë dhe duke vlerësuar çdo informacion, me qëllim zbardhjen e plotë të ngjarjeve, identifikimin dhe kapjen e autorit/ëve.
