Presidenti i Serbisë, Aleksandër Vuçiç ka vlerësuar qëndrimin e kryeministrit të Shqipërisë, Edi Rama në Samitin e NATO-s. Në një intervistë për mediat në Beograd, kreu i shtetit serb tha se vetëm Edi Rama dhe Viktor Orban, ishin ata që folën drejt.
“Besoj se nismës së “Ballkanit të Hapur” do t’i bashkohen edhe të tjerë. Kjo na afron. Në samitin e NATO-s, një nga njerëzit që foli drejt për ne ishte kryeministri shqiptar Edi Rama, por edhe miku ynë Viktor Orban” tha Vuçiç.
“Ballkani i hapur i përshtatet të gjithëve. Llogaritni dhe do të shihni se kush është më i përshtatshëm.
Së bashku mund të bëjmë gjithçka në të ardhmen. Ne duhet të ruajmë paqen dhe stabilitetin” tha presidenti serb.
Serbia hapi portat duke lejuar eksportin e grurit drejt Shqipërisë, ndërsa nga Tirana kërkoi lejimin e importit të naftës nga porti i Durrësit.
