Ish-Ministrja e Financave dhe Ekonomisё, Anila Denaj gjatë një intervistë në “5 pyetje nga Babaramo”, foli rreth rritjes se çmimeve dhe mënyrën si po e menaxhon qeveria këtë krizë.
Ajo theksoi se qeveria po bën të pamundurën për të përballuar krizën, dhe përparësi u është dhënë bizneseve të vogla sipas saj.
“Nuk mund të ndërhyhet në mënyrë të vazhdueshme, sot biznesi i vogël paguan 0 taksë, kjo konsiderohet lehtësi fiskale. Kemi bërë një lehtësi të konsiderueshme fiskale. Kosto sociale do të amortizohet përmes ndihmës sociale. Kemi një akt normativ, të cilin do e kalojmë në parlament te enjten. 6 miliardë do i japim shtresa në nevojë. 20 miliardë lek për energjinë. Te ardhurat e buxhetit të shtetit do të rriten me 10 miliardë lek.”,tha Denaj.
Pyetur se sa i duhen një familje në këto rrethana?
Denaj u përgjigj, “Është përllogaritur që kjo shportë më produkte bazë ka një rritje me 20 mijë lek, vetëm 7%. Në 2014 kur u bë rritja e pensioneve, nëse kjo reformë fillon cëngohet do ketë kosto me të lartë të buxhetit të shtetit. 57 miliardë lek subvencionohet nga shteti. Nuk mund të rritesh pensionet në mënyrë të menjëhershme. Çdo gjë ka një kosto.” sipas Denaj.
