SPAK ka kërkuar këtë të martë arrestimin e deputetit Alqi Bllako si i akuzuar për përfshirje në aferën e inceneratorit të Fierit dhe për këtë ka dorëzuar një kërkesë për autorizim nga Kuvendi.
Ndërkohë, nëse Bllako do të hiqte dorë nga mandati apo do të përfundonte pas hekurave mbi këto akuza, atëherë në vend të tij mund të shkojë në Parlament ish-kryeministri Pandeli Majko, i cili mbeti jashtë listës së Partisë Socialiste në Tiranë në zgjedhjet e 25 prillit.
Në listën e Partisë Socialiste, Alqi Bllako renditej i 17-ti në listë, pas tij Eduart Shalsi, i cili është deputet, e pas tyre, renditet Pandeli Majko, për të cilin mund të jetë momenti që të rikthehet në parlament nëse do ta pranonte mandatin.
