Lulzim Basha, ish-kryetari i Partisë Demokratike, ka reaguar në rrjetet sociale për arrestimet e fundit të SPAK për aferën e inceneratorëve.
“Arrestimet e sotme, janë si rezultat i punës së jashtëzakonshme dhe profesionale të Partisë Demokratike në Komisionin Hetimor Parlamentar, por kjo nuk mjafton. Komisioni faktoi se urdhëruesit dhe përgjegjësit kryesorë të kësaj afere janë ministra dhe kryeministri. Asnjë shqiptar nuk e beson se një aferë kaq e madhe korruptive është bërë pa dijeninë e Edi Ramës. Qeveria e tij është e korruptuar. Me këta, shqiptarët nuk mund të kenë mirëqenie”.
Në Facebook, Basha nuk postonte prej 7 ditësh, ndërsa as në mediat nuk ishte shfaqur që prej momentit kur dha dorëheqjen si kryetar i Partisë Demokratike.
