Pasi doli nga mbledhja e grupit parlamentar të Partisë Demokratike këtë të enjte, Sali Berisha u shpreh se vendimi që pretendon Alibeaj për përjashtimin e tij është nul.
I pyetur për thirrjen e Alibeajt për bashkim, Berisha u shpreh: “Të krahasosh fituesin me humbësin, besoj se është një gabim i madh”.
Berisha u shpreh se ky është një rast unik në PD. “Do të ketë edhe mbledhje të tjera grupi, pasi është organ ku do të bëhen debate dhe është i hapur. Ky është një rast unik që PD të bashkohet në diversitetin e saj dhe kjo e bën edhe më demokratike partinë. Demokratët kanë folur në 3 data të ndryshme. Kombinacionet Basha-Rama marrin fund”, tha Berisha.
