Një pjesë e madhe e territorit nga jugu në veri është përfshirë nga moti i keq me reshje të dendura shiu dhe bllokim rrugësh.
Kulmi arriti mbrëmjen e sotme në aksin Elbasan-Librazhd që u bllokua në vendin e quajtur “Kthesat e Murashit” si pasojë e gurëve dhe dherave nga reshjet.
Për më shumë se tre orë rruga u bllokua totalisht duke krijuar radhë të gjatë, kilometrike të makinave në të dy krahët.
Disa prej drejtuesve të makinave u shprehën se janë të bllokuar prej disa orësh në pritje të hapjes së rrugës.
Kontraktori vijon punën për të hequr inertet me qëllim hapjen e rrugës.
Probleme ka pasur edhe brenda qytete në Librazhd dhe Elbasan, por edhe pjesë të tjera të territorit.
Moti i keq pritet që të vazhdojë edhe në fundjavë për t’u përmirësuar në fillim të javës.
