Ndonëse çmimi i naftës është rritur, çmimet e biletave në Aeroportin e Prishtinës do të variojnë sipas sezonit. Zëdhënësja e Aeroportit “Adem Jashari”, Valentina Gara, tha se çmimet janë përgjegjësi e operatorëve privatë dhe nuk kanë kompetenca mbi to si aeroport, por ato sigurisht do të luajnë sipas sezoneve.
Sipas Garës, çmimet mund të ulen për shkak të shtimit të konkurrencës edhe nga Aeroporti i ri i Kukësit dhe Aeroporti i Shkupit. Por, çmimet sipas Garës, pritet të ulen edhe se do të shtohen linja të reja në vetë aeroportin “Adem Jashari”.
Ndërkohë, Gara tha se është shtuar dukshëm qarkullimi përmes Aeroportit të Prishtinës. Diaspora shqiptare, është ajo që e mban “gjallë” aeroportin e Prishtinës, dhe më së shumti udhëtarë vijnë nga shteti i Zvicrës më pas nga Gjermania. Gara, shtoi se janë duke bërë investime në vazhdimësi, bashkë me partneritetin publiko-privat, që të përmirësohen kushtet edhe të pistave.
