Disa mbetje të kafshëve janë hedhur në lumë nga një therthore në fshatin Malishevë të Gjilanit. Si pasojë uji u mbulua me gjakun e kafshëve të therura.
Lajmin e ka konfirmuar Arbenita Sopi, shefe e kabinetit të kryetarit të komunës së Gjilanit Alban Hyseni.
Drejtoresha e Inspekctimit në komunën e Gjilanit Entela Hyseni, tha se do të ndërhyjë sot lidhur me rastin në fjalë.
Hyseni theksoi se dje kanë vepruar edhe në një rast të ngjashëm në fshatin Livoç.
“Inspektimi sot do të shkojë në vendin e ngjarjes dhe do të ndërhyjë sipas ligjit. Dje kemi pasur një rast të ngjashëm edhe në fshatin Livoç. Ne i kemi videot dhe fotografitë për rastin të cilat na i kanë dërguar dje pas orarit por që nuk kemi pasur ekip kujdestar dhe nuk kemi mundur të ndërhyjmë dje”.
