Në lidhje me akuzat për Lëvizjen Vetëvendosje se ka punësuar militantët në KEK, ka folur edhe deputetja e LDK-së, Valentina Bunjaku.
Ajo tha se kjo gjë nuk ka ndodhur kurrë më parë, edhe pse partia në pushtet i ka akuzuar këta të fundit.
“Realisht punësimi i familjareve është vepër penale dhe kjo nuk ka ndodhur asnjëherë, neve si parti politike na kanë akuzuar në të kaluarën që po punësojmë militantë dhe pikërisht të njëjtën po e veprojnë por dhjetë fish më shumë se ne”, potencoi ajo
Sipas saj, mospunësimi i familjarëve është një ndër kauzat e mashtrimeve të Kurtit.
“Albin Kurti ka ardhur në pushtet me kauza të rrejshme se ai ka thënë se të afërmit janë për dasma dhe për ahengje e jo për punësime, kjo është një ndër kauzat e rrejshme të tij ky është rast për Prokurori, ne si Lidhje Demokratike e Kosovës kemi reaguar me kohë dhe i falënderojmë mediat qe e kanë bërë publike këtë konkurs”, u shpreh Bunjaku.
Lidhja Demokratike e Kosovës (LDK) ka dorëzuar kallëzim penal në Prokurorinë Themelore në Prishtinë, në lidhje me punësimet e fundit në Korporatën Energjetike të Kosovës.
