Sergei Naryshkin, drejtor i Shërbimit të Inteligjencës së Jashtme Ruse, pretendon se autoritetet amerikane i kanë caktuar NATO-s detyrën që ta zgjasë sa më shumë luftën në Ukrainë në mënyrë që ta kthejë atë në një Afganistan për Rusinë.
Naryshkin e deklaroi këtë në një artikull për revistën “National Defense”, e cila u citua nga mediat ruse.
“Për këtë përdoren metodat më tinzare, deri në internimin e militantëve të armatosur në territorin ukrainas, të cilët kanë për detyrë të organizojnë dhe mbështesin të ashtuquajturat operacionet guerile, por në fakt terroriste”, u shpreh Naryshkin.
Zyrtari rus vëren se Shtetet e Bashkuara dhe shumica dërrmuese e vendeve të NATO-s nuk janë gati të hyjnë në konfrontim të drejtpërdrejtë të armatosur me Rusinë.
Kjo, duke preferuar të kufizohen në ofrimin e mbështetjes morale dhe materiale për Kiev-in.
Sipas tij, këmbëngulja e “konfliktit” në Ukrainë tregon se nuk është në rrezik vetëm fati i “regjimit të Kiev-it”, por edhe “arkitektura e të gjithë rendit botëror”.
“Të parashikosh konturet e tij specifike, bazuar në situatën aktuale, është mjaft e vështirë, por mund të thuhet me siguri: nuk do të ketë kthim në të kaluarën”, shkruan kreu i SZR-së
