Policia e Kosovës ka njoftuar se ka arrestuar një të dyshuar femër, shtetase të Turqisë, pasi dyshohet se ka falsifikuar dokumentet identifikuese.
Sipas njoftimit të policisë, arrestimi i të dyshuarës është bërë në aeroportin “Adem Jashari”, dje.
“Është arrestuar e dyshuara femër shtetase e Turqisë, pasi gjatë kontrollit të dokumenteve e dyshuara ka prezantuar pasaportë dhe letërnjoftim belg, të cilat dyshohet se mund të jenë të falsifikuara. Pasaporta dhe letërnjoftimi janë sekuestruar për ekzaminim dhe procedura të mëtutjeshme hetimore”, thuhet në raportin 24-orësh të policisë.
