Pyetja e një gazetari gjerman ka vënë jo pak në vështirësi kryeministrin shqiptar Edi Rama.
“Ukraina që mund të hyjë më shpejt se sa Shqipëria e cila pret më vendos pak në pozitë, sepse duhet të them të vërtetën”, tha fillimisht Rama.
Gazetari e pyeti kryeministrin nëse Ukraina mund të hyjë me një procedurë të përshpejtuar në Bashkimin Evropian dhe se si do të ndihej Shqipëria që pret prej kohësh për një vendim të tillë.
“Kjo nuk mund të ndodhë, sipas meje. Nëse ndodh, nuk do të bëhemi aspak xheloz”, u përgjigj kreu i qeverisë.
Sipas kryeministrit, ajo që e shqetëson është “nëse Ukraina e mendon mund të hyjë më shpejt jo se do hyjë më shpejt”.
“Nuk duhet shumë shkencë për ta kuptuar si funksionon Bashkimi Evropian”, shtoi Rama.
