“5pyetjet.al” zbulon detaje të reja nga ekzekutimi mëngjesin e sotëm në Shkodër. Viktima Nazmi Bandulla ishte duke pirë kafen e mëngjesit në një lokal pranë shtëpisë kur u qëllua me breshëri.
Ai mësohet se u qëllua nga një person që nuk zbriti, por e zbraz kallashin nga një makinë në lëvizje. Kjo shpjegon faktin përse nuk u gjet asnjë gëzhojë në vendin e ngjarjes. Dëshmitarët nga vendi i ngjarjes thanë se makina nga u qëllua shënjestra ishte Benz E Class me xhama të zinj.
Objektivi ishte person me precedent, pasi më parë ishte arrestuar për kërcënim të vëllait. Ai dy vite më parë i shpëtoi një sulmi me eksploziv, që duket se ishte paralajmërim për këtë që e gjeti sot.
Shërbimet e policisë kanë rrethuar zonën dhe vijon krehja e saj, me qëllim kapjen e autorit. Grupi hetimor ndodhet në vendngjarje dhe nën drejtimin e Prokurorisë vijon punën për sqarimin e plotë të rrethanave të ngjarjes.
