Sapo ka përfunduar marrja në pyetje nga prokurori e Alqi Bllakos.
Pas dy orësh deklarim, Bllako ka mohuar akuzat e hedhura nga SPAK si i përfshirë në aferën e inceneratorëve dhe nuk ka pranuar të ketë firmosur gjë për shpronësimin në Fier.
Ai ka mohuar të ketë pasur gisht në vendimmarrjen e shpronësimit të tokës në Fier, e cila u përdorë për ngritjen e incerenatorit. Sipas tij ai ka pasur detyrë vetëm ta përcjellë shkresën Këshillit të Ministrave për Miratim.
Për sa i përket akuzës së korrupsionit për punësimin e babait të tij në mënyrë fiktive në incineratorin e Tiranës, Bllako është shprehur se kontrata për punësimin e babait të tij nuk është firmosur nga Klodian Zoto, por nga ana e administratorit Italian dhe kjo kontratë është prishur para se të firmosej marrëveshja për inceneratorin e Fierit.
