Deputeti i Partisë Socialiste, Arben Pëllumbi, u shpreh në “5 Pyetjet nga Babaramo” se nuk duhet pasur frikë nga legalizimi i kanabisit farmaceutik.
Ai theksoi se kjo do të jetë e kontrolluar, duke përcaktuar edhe parcelat se ku do të kultivohet.
“Duhet t’i shohim për krijimin e mundësive për të sjellë të ardhura në buxhetin e shtetit. Përderisa vende të fuqishme e kanë legalizuar nuk shohim arsye që pse të mos e diskutojmë edhe ne këtë temë. Kjo nuk ka të bëjë me trafikun, por me licenca speciale për të qenë e monitoruar. Nuk shikoj pse ne duhet të kemi frikë nga kjo gjë.
Do të përcaktohet kush do të merret me këtë punë, do të caktohen parcelat”, tha Pëllumbi.
