32 punonjësit e policisë në doganën e Morinës që u arrestuan pak ditë më parë kërkojnë lirinë në gjykatën e Apelit. Zyrtarët pas hekurave dhe ata që ndodhen në arrest shtëpie, kërkojnë ndryshimin e masës së sigurisë.
Dy janë kërkesat e tyre, që i kanë përcjellë përmes avokatëve; lirimi nga qelia dhe shpallja e moskopetencës nga GJKKO dhe dërgimin e çështjes për hetimeve të mëtejshme në prokurorinë dhe Gjykatën e Kukësit.
Argumenti i përdorur nga mbrojtësit ka të bëjë me faktin që sipas vendimit të Gjykatës së Lartë vepra penale e korrupsionit që është poshtë shifrës 50 mijë lekë të reja nuk është kompetencë e SPAK por e gjykatës së rrethit.
Policët në doganën shqiptare dhe atë të Kosovës u arrestuan, pasi nga kamerat dhe përgjimet rezultoi se shpërdoruan detyrën duke lejuar të kalojnë qytetarë që ishin në shkelje të ligjit, por mbyllnin sytë përballë ryshfeteve që merrnin.
