Vedat Muriqi është duke kaluar një formë mjaft të mirë në La Liga me fanellën e Majorkës. Shqiptari i Kosovës, ka gjetur rrugën e rrjetës në duelin e sotëm ndaj Deportivo Alavesh.
Një gol me peshë për bomberin 27-vjeçar, që në minutën e 45+4, dyfishoi shifrat për Majorkën që më herët kishte shënuar me Prats në minutën e 11-të.
Ky është goli i katër në 12 ndeshje me fanellën e ekipit spanjoll për Muriqin, që iu bashkua Majorkës në merkaton e janarit nga Lacio. Te skuadra italiane shqiptari i Kosovës rezultoi një dështim, duke mos lënë asnjë gjurmë.
