Situata në rajonin e Donbasit e veçanërisht në Mariupoli është tejet kritike ditët e fundit, teksa Rusia ka rritur ndjeshëm ofensivën e saj, ndërsa me mijëra persona janë të bllokuar dhe pa ushqime.
Në këtë situatë, ka reaguar Sekretari i Përgjithshëm i Kombeve të Bashkuara, Antonio Guterres, i cili ka kërkuar të takohet me Presidentin rus Vladimir Putin në Moskë dhe Presidentin ukrainas Volodymyr Zelensky në Kiev.
Këtë e bëri të ditur OKB-ja, duke shpjeguar se qëllimi i Guterres është të flasë për një sërë “masash urgjente për të arritur paqen” në një kohë kur konflikti i vazhdueshëm në Evropën Lindore përfaqëson “një rrezik të madh”.
