Rihapet dosja e privatizimit te CEZ. Prokuroria e Posaçme (SPAK) ka regjistruar një tjetër hetim duke rimarrë në pyetje, Kastriot Ismailaj, i dënuar me 11 vite burg, i cili është pyetur në cilësinë e dëshmitarit.
Dosjen e aferës së CEZ-DIA e kanë në dorë vetë kreu i SPAK, Arben Kraja dhe prokurori Altin Dumani.
Kastriot Ismailaj është dënuar në vitin 2017 me 11 vite burg për “mashtrim me pasoja të rënda” dhe “pastrim të produkteve të veprës penale”.
Gjykata urdhëroi sekuestrimin e 5 milionë eurove për ish- administratorin e kompanisë DIA, e ngarkuar për mbledhjen e borxheve të CEZ, ku u përfshi në një skemë mashtrimi, duke shkatërruar edhe raportet mes shtetit shqiptar dhe CEZ, me kosto të madhe për buxhetin e shtetit.
