Ministrja e Punëve të Jashtme të Bullgarisë Teodora Genchovska deklaroi sot se Sofja i qëndron kërkesës për Shkupin duke mos u tërhequr.
“Për të filluar procesin e negociatave të anëtarësimit në BE, mbetet kërkesa që Republika e Maqedonisë së Veriut të regjistrojë bullgarët në Kushtetutën e saj” tha ajo.
Kjo do të thotë se as në qershor nuk mund të hapen negociatat për Shkupin dhe rrjedhimisht për Tiranën, pasi dy vendet janë planifikuar të vijojnë rrugëtimin në bllok drejt BE-së.
Kryeministri Edi Rama ka paralajmëruar se do të kërkojë ndarjen e Shqipërisë nga Maqedonia.
