Ndihmës-sekretarja amerikane e Shtetit për Çështje Evropiane dhe Euroaziatike, Karen Donfried, u ndal edhe në Beograd në kuadër të turit rajonal, duke theksuar se anëtarësimi i të gjithë Ballkanit Perëndimor në BE, është një prej prioriteteve të politikës së jashtme amerikane për këtë rajon.
E shoqëruar nga diplomati i lartë, Gabriel Escobar, në takimin me presidentin Alexandër Vucic, Donfried po ashtu mirëpriti nismën “Ballkani i Hapur”,duke e konsideruar të rëndësishëm bashkëpunimin rajonal.
Dialogu mes Prishtinës dhe Beogradit gjithashtu ishtë në fokus të bisedimeve, po ashtu edhe qëndrimi i Serbisë kundrejt luftës ruse në Ukrainë.
Escobar dhe Donfried do të ndalen edhe në Mal të Zi dhe Maqedoninë e Veriut ndërsa këtë të premte do të jenë në Tiranë.
