Presidenti i Serbisë Aleksandër Vuçiç ka zhvilluar një bisedë online me kryeministrat e Shqipërisë, Edi Rama dhe të Maqedonisë, Dimitar Kovacevski lidhur me nismën “Open Ballkan” dhe takimin e radhës që do të jetë në Ohër në qershor.
“Sot fola përmes videos me kryeministrat e Shqipërisë @ediramaal dhe Maqedonisë së Veriut, Dimitar Kovacevski. Ne kemi rënë dakord të mbajmë një panair të turizmit, verës dhe specialiteteve të kuzhinës nga rajoni në Beograd si pjesë e nismës #OpenBalkan në fillim të shtatorit.
Kemi planifikuar edhe një takim në Ohër në qershor, ku do të nënshkruhet marrëveshja për bashkëpunim në fushën e kulturës dhe turizmit. Ne vazhdojmë të punojmë për zhvillimin e marrëdhënieve ekonomike për të mirën e popujve tanë!” shkruan ai.